今天，拔萃再次奪得學界Ａ Ｇｒａｄｅ足球冠軍，衛冕成功！ 開心之餘，亦回想起七年前拔萃足球係點樣的一回事...... 當年我form 1入team的時候，拔萃足球只係在Ｄｉｖｉｓｉｏｎ ３打滾，只有ＰＵＭＡ贊助我地，足球都係學校自己出錢買的，踢走一個就少一個，而且練波經常唔夠波用。我地比賽的時候，一般只有football team的人會睇，Prefects都唔會黎的 Michael Li講得好o岩，以前的拔萃足球隊會俾人當係升降機，可有可無咁。人地見到拔萃只會諗起田徑游水。 足球？有排都未數到我地 猶記得form 2定3的時候，我地以D3的身份過五關斬六將，最於在旺角場擊敗D1冠軍董之英，奪得學界足球精英賽冠軍。有睇波的人都唔會覺得拔萃係爆冷，係技術性擊倒！ 從此，拔萃足球不再被忽視 波衫同波都有ＮＩＫＥ贊助，而家連track suit都整埋，到淘汰賽階段更有一大班拔萃仔到場支持 七年間，拔萃足球上過Ｄ１，又跌番落Ｄ２，又再上番Ｄ１ 然後舊年，歷史性地以大熱的姿態贏左Ｄ１ Ｃｈａｍｐｉｏｎ 完場那一刻，一眾拔萃仔包括舊生都衝入球場，擁抱我們的球員 Jeffrey Leung哭了，我相信醬爆的感覺都差唔多，紅褲子出身，o係拔萃踢左七年，由丙組踢上甲組，再拎埋總冠軍 轉眼間，成就傳奇 球場上下那團火、那種不勝無歸的氣勢感染了每一個拔萃仔 足球王國 唯我拔萃 實至名歸 不論精神或比賽，我們都是大贏家 今天，拔萃再一次奪得冠軍 我，卻感受不到這份精神 是對手太弱了嗎？是比賽太悶了嗎？ 不......是我們的爭勝心減弱了，是我們不珍惜這個冠軍了 新一代的拔萃仔，唔知道這個冠軍背後有幾多人付出過幾多的血汗 如果你知道的話，大概就唔會吝嗇每一聲的『拔萃』 場上要贏，台上更加要贏 要知道，拔萃輸的，只可以係比賽 我希望畢業之後的每一年，都可以感受到那份令我自豪的拔萃精神 拔萃精神 傲視同群 明年今日 再奪冠軍 拔萃 | 
